Роналду Жезушке ренжіп, Португалия құрамасынан кетіп қалды: мән-жайы белгілі болды
Криштиану Роналду мен Португалия құрамасының бас бапкері Жорже Жезуш арасындағы Норвегияға қарсы ойында шабуылшы алаңға шықпағаннан кейін басталған жанжал шарықтау шегіне жетті: футболшы ұлттық құраманың орналасқан жерінен кетіп қалды, деп хабарлайды Sports24.kz.
Marca Роналдудың оны әуежайға жеткізетін автобусқа отырған сәтін көрсететін видеоны жариялады: онда футболшыны Мадридке ұшатын жеке ұшағы күтіп тұр. Бұған Жезуштің жуырдағы мәлімдемелері себеп болды. Бапкер Роналдудың алаңға шықпауын оның командадағы басты жұлдыз еместігімен түсіндірген еді:
«Футболшының мәртебесі оған ерекше құқық бермейді. Мәртебе — оның мансабына деген құрмет туралы. Мен ойыншыларыма жоспарды түсіндіремін, ал шешімді қабылдайтын — өзім. Менің бір ғана ойыншым жоқ. Менде 23 футболшы бар. Біздің міндетіміз — Ұлттар лигасында жеңіске жету. Криштиану Роналду — менің мұнда болуыма басты себеп емес. Басты себеп — Дания», — деген еді Жезуш.
Сол дереккөз енді Роналдудың халықаралық мансабын аяқтауды шындап қарастырып жатқанын жоққа шығармайды.
