Беларусь – Қазақстан: ӘЧ іріктеу матчын онлайн көру. LIVE-трансляция
10 қарашадан 11 қарашаға қараған түні Қазақстанның футзал құрамасы 2028 жылғы әлем чемпионатының іріктеуі аясында Беларусьпен екінші матчын өткізеді. Кездесу Словакияның Гуменне қаласында өтеді, деп хабарлайды Sports24.kz.
Беларусь – Қазақстан матчының тікелей трансляциясы Қазақстан уақытымен сағат 00:00-де басталады. Ойынды «Qazsport» телеарнасынан көруге болады.
Астанада өткен алғашқы кездесуде Қазақстан құрамасы 5:4 есебімен жеңіске жетті. Қазақстандық команда сапында Эдсон хет-трик жасаса, Альберт Ақбаликов пен Лео Игита бір-бір голдан соқты.
Одан кейін Беларусь құрамасы топтағы тағы бір матчта Албанияны 8:2 есебімен ойсырата жеңді.
Осылайша, алдағы кездесудің алдында Қазақстан мен Беларусьтің еншісінде үш ұпайдан бар. Алайда Беларусь бір матчты артық өткізді.
Топ жеңімпазы ӘЧ-2028 іріктеуінің элиталық кезеңіне тікелей жолдама алады. Екінші орын алған команда да рейтинг бойынша келесі кезеңге өтуі мүмкін. Іріктеу турнирі 2028 жылдың сәуірінде аяқталады.
