Жатқан жері жайлы болсын. «Бернлидің» аңызға айналған футболшысы қайтыс болды
«Бернли» футбол клубы бұрынғы қорғаушы Лес Лэтчемнің 83 жасында қайтыс болғанын зор қайғымен хабарлады, деп жазады Sports24.kz.
Клубтың ресми мәлімдемесінде басқарма, футболшылар мен қызметкерлер ардагердің жұбайы Пэмге, қыздары Эмма мен Гейнорға, сондай-ақ марқұмның көптеген достары мен туыстарына шын жүректен көңіл айтты. Клуб жанкүйерлері бұрынғы қорғаушыны еске алуға дайындалып жатыр.
Лэтчем 1960 және 1970 жылдары клубтың қорғаныс шебіндегі негізгі тұлғалардың бірі болды. «Терф Мурда» оны футболға адалдығы, позициялық шеберлігі және тартысты матчтардағы жауынгерлік мінезі үшін жоғары бағалады.
Айта кетейік, Лес Лэтчем «Бернли» сапында 165 ресми матч өткізіп, Англияның жоғарғы дивизионында және Жәрмеңкелер кубогында команда намысын қорғады. Сонымен қатар ол «Брэдфорд» клубының да түстерін қорғаған.
Еске салайық, 10 қазанда Дастан Сатпаев өнер көрсететін «Бернли» Чемпионшиптегі кезекті матчын өткізеді. Алайда Burnley Express басылымының пікірінше, қазақстандық Англияның күші жағынан екінші чемпионатының 9-туры матчындағы негізгі құрамның 11 ойыншысының қатарында болмайды.
