Жанкүйерлер ФИФА-ның күтпеген шешіміне ашулы – әлем чемпионаты басталғанға дейін бір апта қалғанда

Стадионға су бөтелкесін алып кіруге тыйым салу жанкүйерлердің ашу-ызасын туғызды

Футбол Бүгін 12:41

Жантөре Қайсаров

Редактор

Әлем чемпионаты басталуына небары бір апта қалғанда, ФИФА жанкүйерлерге стадионға өз су бөтелкелерімен кіруге тыйым салу туралы шешім қабылдады. Бұл Солтүстік Америкада өтетін ойындарға жиналған футболсүйер қауымның қатты наразылығын тудырды, деп хабарлайды Sports24.kz.

Әлемдік футболдың басты ұйымы әр матчқа келгенде су бөтелкесін қайта-қайта сатып алуды қауіпсіздік талаптарымен түсіндіреді, себебі бөтелкені лақтыратын зат ретінде қолдануға болады. Алайда бұл уәж жанкүйерлерді мүлде иландырмады:

• «Бұл шын мәнінде шок! ФИФА өзі болуға тиіс ұйымның антиутопиялық пародиясына айналды»
• «Бұл — масқара. Негізгі адам құқығы шектелді, енді жанкүйерлерге көбірек ақша жұмсауға тура келеді»
• «Стадионда сатып ал дегендері ме? Бұдан не өзгереді? Қымбатқа сатылған соң ол бөтелке қауіпсіз бола қала ма?»
• «Ал олар бітіп қалса не болады? Өйткені 35°C ыстықта, 60 000-нан астам адам жиналса — бұл өте мүмкін нәрсе. Бұл — ақымақтық!»

Айта кетсек, бұған дейін ФИФА нәсілшілдікке қарсы арнайы протокол енгізетіні белгілі болған еді. Оның символы ретінде ерекше ишара белгіленеді.