Жанкүйер шағым түсірді: Астананың Челсиге қарсы ойыны наразылық тудырды
Кешегі “Астана” футбол командасының қатысуымен өткен матч тек ойын нәтижесімен ғана емес, стадиондағы ұйымдастыру мәселелерімен де көңіл қалдырды. Көрермендер үшін жасалған жағдайлар туралы шағымдар мен наразылықтар ойынның өзінен де көбірек талқыланды.
Жанкүйерлердің бірі әлеуметтік желіде, атап айтқанда Facebook парақшасында, өзінің құзырлы органдарға шағым түсіргенін жазды.
Оның айтуынша, ол матчқа баласы мен інісімен бірге келген. Алайда, жеке қажеттілігі бойынша стадионнан уақытша шыққан кезде, қайта кіруге тек полиция қызметкерлерінің көмегімен ғана мүмкіндік алған.
Айта кетейік, матч кезінде Алматы Орталық стадионының директоры Бауыржан Жұмажанов ағылшындық “Челси” клубына қарсы ойынға дайындық жұмыстарының қанағаттанарлықсыз болуына байланысты қызметінен босатылды.
