ВИДЕО: «Ақтөбе» сырт алаңда «Елімайды» тізе бүктірді
«Ақтөбе» Қазақстан Премьер-лигасының 28-туры аясында Семейге жергілікті «Елімайға» қарсы сырт алаңдағы матчты өткізу үшін келді, деп хабарлайды Sports24.kz.
Игорь Черевченко шәкірттері сырт алаңда 3:1 есебімен сенімді жеңіске жетті. Темірлан Ерланов 15-минутта қонақтарды алға шығарды. Ал ойын уақытының бір сағаты өткенде Шейи Оджо «Ақтөбенің» басымдығын еселеді – 2:0.
Семейлік команда матч соңына қарай есеп айырмасын қысқартты, алайда бұдан артыққа шамасы жетпеді. Ал қонақтар тағы бір гол соқты – қорытынды есепті Артур Шушеначев белгіледі.
Осы жеңістен кейін «Ақтөбе» 45 ұпай жинап, төртінші орынға көтерілді және еурокубок аймағына жақындай түсті. 38 ұпайы бар «Елімай» ҚПЛ турнирлік кестесінің алтыншы сатысында қалды.
Чемпионаттың келесі турында ақтөбеліктер лига көшбасшысы «Ордабасымен» өз алаңында ойнайды. Ал семейліктер «Атырауға» қонаққа барады.
ҚПЛ, 28-тур
«Елімай» – «Ақтөбе» 1:3
Голдар: Каиров, автогол, 83 – Ерланов, 15, Оджо, 59, Шушеначев, 89
