«Жігіттердің жағдайын түсінемін, оларға қиын». Нурдаулетов «Жетісудағы» жалақының кешігуі туралы
«Жетісу» командасының бас бапкері Қайрат Нурдаулетов клубтағы жалақының кешігуі туралы ақпаратқа пікір білдірді, деп хабарлайды Sports24.kz.
«Жігіттерге қиын. Үйде отбасы қиналып, ашығып отырғанда, олардың психологиялық жағдайын түсінемін. Бірақ жігіттерге үлкен рақмет. Осындай қиындықтарға қарамастан, олар кәсібилігін көрсетті. Айтпақшы, футболда өзіңді емес, бойыңдағы футболды сүю керек. Олар мұны жасай алды», - деді Нурдаулетов.
Еске салайық, 10 қазанда ҚПЛ-дің 28-туры аясындағы матчта Алматының «Қайраты» талдықорғандық «Жетісуды» қабылдады. Кездесу алаң иелерінің 1:0 есебіндегі жеңісімен аяқталды.
Осы жеңілістен кейін «Жетісу» 22 ұпаймен соңғы орында қалды.
Бұған дейін талдықорғандық команданың ойыншылары үш айдан астам уақыт бойы жалақы алмағаны туралы ақпарат тараған еді.
