«Қуатпен біз жеңіске жетер едік» – «Ордабасыға» қарсы матчтан кейін Айдын Қожахмет
«Жеңіс» клубының атқарушы директоры Айдын Қожахмет Қазақстан Премьер-лигасының 29-турының орталық матчында «Ордабасымен» өткен кездесудің қорытындысын шығарды, деп хабарлайды Sports24.kz.
Еске сала кетейік, Қазақстан Премьер-лигасының 29-туры аясында елордалық клубқа қарсы өткен матч «Ордабасыға» Қазақстан чемпионатында мерзімінен бұрын жеңіске жетуге мүмкіндік беретін еді.
Ол үшін «Ордабасы» футболшыларына тек жеңіс қажет болды, алайда қонақтар матч фаворитіне лайықты қарсылық көрсетті. Оның үстіне, алаң иелері «Ордабасының» жартылай қорғаушысы Жасұлан Әмір алаңнан қуылғаннан кейін кездесуді сан жағынан кем құрамда аяқтады. Нәтижесінде командалар бір-бірінің қақпасына гол соғып, 1:1 есебімен тең тарқасты.
«Ойын алдында қысым «Ордабасыға» түсіп тұрды, бұл олардың пайдасына шешілмеді. Ал біз, керісінше, еркін ойнадық. Жігіттер алаңға бізді есептен шығаруға әлі ерте екенін көрсету үшін үлкен мотивациямен шықты. Өйткені ойынға дейін көпшілік «Ордабасы» чемпиондықты 100 пайыз рәсімдейді деп жазған еді. Қарсыласты құрметтеу керек.
Бұл «Ордабасыға» қатысты емес, пабликтер мен блогерлерге қатысты айтылған сөз. Олардың әлі де чемпион атанатынына сенімдімін, бірақ бүгін емес. Біз тең нәтижеге қатты қуанып тұрмыз деп айта алмаймын. Бізде мүмкіндіктер көбірек болды және жақсырақ ойнадық».
Маман сондай-ақ «Жеңістің» құрамында Қазақстан құрамасының жартылай қорғаушысы Исламбек Қуаттың болмағанына назар аударды. Ол жарақатына байланысты «Ордабасына» қарсы сырт алаңдағы матчты өткізіп алды.
«Қуатпен біз жеңіске жетер едік. Ол – біздің көшбасшымыз. Андрия Филипович Астанада қалды. Денсаулығына байланысты мәселелері бар. Қуат жаттығуға екі күн бұрын ғана кірісті, оған қоса оның үш сары қағазы бар, сондықтан тәуекелге бармадық.
Сондықтан тәуекелге барған жоқпыз. Бізде 11 футболшы емес, 25 ойыншы бар. Бізде әрқайсысы бірін-бірі алмастыра алатын мықты команда бар», – деді Қожахмет.
«Жеңіс» 33 ұпай жинап, Қазақстан футбол чемпионатының турнирлік кестесінде тоғызыншы орында келеді. «Ордабасының» еншісінде 68 ұпай, ал «Қайратта» 63 ұпай бар. Бұл ретте жексенбі күні «Қайрат» сырт алаңда «Ақтөбені» жеңе алмаса, «Ордабасы» ҚПЛ-дың алтын медальдарын жеңіп алады.
