Сәтпаев жаттықтырушысыз қалды: Ники Хейен «Бернлиден» қуылды
Ники Хейен маусымды сәтсіз бастаған «Бернли» клубының бас бапкері қызметінен ресми түрде қуылды, деп хабарлайды Sports24.kz.
Бұл шешім бүгін «Линкольн Ситиге» қарсы 4:1 есебімен жігерсіз жеңілгеннен кейін қабылданды. Осы жеңіліс «бордолыларды» Чемпионшиптегі ең нашар үш команданың қатарына түсірді.
Өз қызметіне тағайындалғанына небәрі 106 күн болған бельгиялық маман команданы басқарған 12 матчтың тек біреуінде ғана жеңіске жетті. Нәтижесінде «Бернли» Чемпионшип турнирлік кестесінде 22-орынға түсіп қалды. Осы маусымдағы алғашқы 12 турда Премьер-лигадан енді ғана төмендеген команда бар болғаны 8 ұпай жинап, қазіргі таңда Англияның күші жөнінен екінші дивизионындағы ең нашар ұжымдардың біріне айналды.
«Бордолылардың» бас бапкері міндетін кім атқаратыны кейінірек жарияланады.
Ұлттық чемпионаттың келесі турында «Бернли» 31 қазанда «Портсмутты» қабылдайды.
