Тоғызыншы «Алтын доп» па? Месси марапаттау рәсіміне қатысты шешім қабылдады
«Интер Майами» шабуылшысы Лионель Месси 2026 жылғы «Алтын доп» марапаттау рәсіміне қатыспақ, деп хабарлайды Sports24.kz.
Аргентиналық футболшы шараға отбасымен бірге келеді. Марапаттау рәсімі 26 қазанда Лондонда өтеді.
Месси мансабындағы тоғызыншы жүлдесіне үміткер. Шабуылшының пайдасына басты дәлелдердің бірі — оның әлем чемпионатындағы жарқын ойыны.
Трофей иесін анықтайтын дауыс беру әлдеқашан аяқталды, алайда жеңімпаздың аты әзірге жарияланған жоқ. Ұйымдастырушылар интриганы рәсімге дейін сақтап қалмақ.
Бұған дейін нәтижелер жиі алдын ала белгілі болып қоятын: жүлденің болашақ иесі France Football басылымына сұхбат беріп, арнайы фотосессияға қатысатын.
Еске сала кетейік, Месси «Алтын доп» саны бойынша рекордсмен саналады — оның еншісінде сегіз жүлде бар. Сонымен қатар марапаттау рәсіміне бару туралы ақпарат аргентиналық футболшының биылғы дауыс беруде жеңіске жеткенін білдірмейді.
