«Бұл жай ғана ғарыш»: ресейлік блогер Сатпаевтың Англиядағы болашағын бағалады
Ресейлік блогер Mr.Panama.Football Қазақстан құрамасының шабуылшысы Дастан Сатпаевтың «Бернлидегі» болашағы туралы пікір білдірді, деп хабарлайды Sports24.kz.
Автор қазақстандық футболшының бұған дейін ағылшын Премьер-лигасында жеңіске жеткен тәжірибелі футболшылар — Кайл Уокер мен Джейми Вардиге жақын жүргенін атап өтті.
«Қазір ол олардың жанында жүріп, осы тәжірибенің бәрін бойына сіңіріп жатыр. Бұл жай ғана ғарыш», — деді блогер.
Ол сондай-ақ Сатпаевтың жарақаттан кейін алаңға оралғанына қуанып, форвардты ағылшын клубының негізгі құрамынан көргісі келетінін айтты.
Еске салайық, 10 қазанда «Бернли» сырт алаңда «Уотфордты» ойсырата жеңді — 4:0. Осылайша команда Чемпионшиптің қазіргі маусымындағы алғашқы жеңісіне қол жеткізді. Сатпаев 74-минутта алаңға шығып, Якоб Бруун Ларсенді алмастырды.
18 жастағы қазақстандық футболшы үшін бұл матч жарақатынан кейінгі алғашқы кездесу болды. Осыған байланысты ол бір айдан астам уақыт ойындарға қатыса алмаған еді.
