Өте қауіпті қарсыластар: «Тобыл» «Партизаннан» өтсе, кімдермен ойнауы мүмкін
3 тамызда Конференциялар лигасының плей-офф кезеңінің жеребесі өтеді, сол кезде өз мүмкін қарсыласын «Тобыл» да біледі, деп хабарлайды Sports24.kz.
Мирослав Ромащенконың шәкірттері жеребеде үшінші іріктеу кезеңіндегі қарсыласы — сербиялық «Партизанның» коэффициентіне байланысты, сеянды команда ретінде қатысады. Егер сол кезеңнен өтсе, плей-оффта келесі қарсыластардың біріне тап болуы мүмкін (жеребе — Астана уақытымен 17:00-де):
- «Хетафе» (Испания)
- «Твенте» (Нидерланды) – ДАК 1904 (Словакия) жұбының жеңімпазы
- «Бейтар» Иерусалим (Израиль) – «Аустрия» Вена (Австрия) жұбының жеңімпазы
- «Маккаби» Тель-Авив (Израиль) – ЦСКА София (Болгария) жұбының жеңіліске ұшырағаны
Еске салайық, 3 тамызда «Қайраттың» қатысуымен екі бірдей жеребе тартылады. Алматы командасы өз мүмкін қарсыласын Чемпиондар лигасы мен Еуропа лигасының плей-офф іріктеу кезеңінде біледі. Рафаэль Уразбахтин шәкірттерінің еурокубоктың негізгі кезеңіне бір қадам қалғандағы қай турнирде ойнайтынын болгариялық «Левскимен» үшінші іріктеу кезеңіндегі ойындар шешеді.
