УЕФА «Қайраттың» еурокубок плей-офф кезеңіндегі ықтимал қарсыластарын атады
3 тамыз күні «Қайрат» еурокубоктардың іріктеу кезеңіндегі соңғы қарсыластарын біледі. УЕФА Чемпиондар лигасы мен Еуропа лигасының плей-офф іріктеу кезеңіндегі ықтимал қарсыластардың тізімін жариялады, деп хабарлайды Sports24.kz.
Егер Рафаэль Уразбахтин шәкірттері Чемпиондар лигасының үшінші іріктеу кезеңінде «Левскиді» жеңе алса, плей-офф кезеңіне өтеді. Бұл кезеңде оларды келесі ықтимал қарсыластар күтіп тұр (жеребе — Астана уақыты бойынша 15:00-де):
- «Црвена Звезда» (Сербия) — «Хапоэль Беэр-Шева» (Израиль) жұбының жеңімпазы
- «Динамо Загреб» (Хорватия) — «Кауно Жальгирис» (Литва) жұбының жеңімпазы
- «Селтик» (Шотландия)
- «Слован» (Словакия) — «Мелльбью» (Швеция) жұбының жеңімпазы
- АЕК Афины (Греция)
Ал егер алматылықтар «Левскимен» екі кездесудің қорытындысы бойынша жеңіліп қалса, олар Еуропа лигасының плей-офф кезеңіне түседі. Бұл кезеңде олар келесі жұптардың үшінші іріктеу кезеңіндегі жеңімпаздарының бірімен ойнайды (жеребе — Астана уақыты бойынша 16:00-де):
- «Ягеллония» (Польша) — «Рейнджерс» (Шотландия)
- ПАОК (Греция) — «Андерлехт» (Бельгия)
- «Пафос» (Кипр) — «Зальцбург» (Аустрия)
- «Шэмрок Роверс» (Ирландия) — «Эгнатия» (Албания)
Айта кету керек, екі жеребе тарту рәсімінде де «Қайрат» — «Левски» жұбының добы сейілмегендер себетінде болады. Еске салсақ, алматылықтар еурокубоктардың негізгі кезеңіне қатысуға кепілдік алған. Егер олар алдағы екі кезеңде қарсыластарын жеңе алмаса, «Қайрат» Конференция лигасына түседі.
