Сұлтанов Қайсардың, Жеңіске қарсы матчындағы өтінімнен тыс қалу себебін түсіндірді
28 жастағы қазақстандық қорғаушы Кәрім Сұлтанов "Қайсарға" ауысуын және не себепті Қазақстан Премьер-лигасының (ҚПЛ) алғашқы турында "Жеңіске" (0:0) қарсы ойында өтінімге енбегенін түсіндірді, деп хабарлайды Legalbet.kz.
"Алғашқы турда ойнағым келді, бірақ мені бұл ойынға тіркеуге үлгермеді. "Қайсарға" бірнеше күн бұрын ғана қосылдым. Бұған дейін маусымаралық кезеңде "Тұранмен" бірге чемпионатқа дайындалдым", - деді Сұлтанов.
28 ақпанда клуб оның трансферін ресми түрде жариялады.
Сұлтанов – "Ордабасының" түлегі. Ол мансабында "Бәйтерек", "Қызылжар", "Шахтер" (Қарағанды), "Екібастұз", "Тұран" клубтарында өнер көрсетіп, сондай-ақ Әзербайжанның "Сумғайыт" командасында ойнаған.
Сондай-ақ оқыңызшы: Матеус БАРБОЗА: Маусымды жеңіспен бастағаныма қуаныштымын
