ШҰҒЫЛ: Месси Аргентина құрамасындағы мансабын аяқтады
Аргентина құрамасының шабуылшысы Лионель Месси ұлттық құрама сапындағы өнерін аяқтайтынын мәлімдеді, деп хабарлайды Sports24.kz.
2022 жылғы әлем чемпионы Instagram парақшасында бұл шешімімен ешкімді ауыртқысы келмейтінін, өйткені мұндай шешім қабылдауға мәжбүр болғанын айтты:
«Осы 20 жыл бойы маған сыйлаған барлық махаббаттарыңыз үшін рақмет. Сіздердің дауыстарыңызды іштен естіп жүргенімді сағынатын боламын. Енді мен сіздердің біріңіз боламын, әрдайым сырттан қолдау көрсетемін — жақсы кездерде де, қиын кезеңдерде одан да көп қолдаймын.
Мені аргентиналық еткені үшін Құдайға рақмет… Алға, Аргентина! Мен бұл сөздерді 21 шілдеде, финалдан екі күн өткен соң жаздым. Бүгін, әкеммен болған жағдайдан кейін, бұл шешімге бұрынғыдан да қатты сенімдімін», — деді Месси.
Еске салайық, шілде айында Лионельдің әкесі Хорхе жүрегіне қатысты мәселелерден кейін өмірден өтті. Оның қайтыс болуынан кейін бірден «Алтын доптың» бірнеше дүркін иегері мансабын аяқтауға бейім болған еді.
