Сатпаеваның анасы Алонсо кездесуінен кейін күтпеген мәлімдеме жасады
Қазақстан құрамасының және ағылшындық «Бернли» шабуылшысы Дастан Сатпаевтың анасы «Челси» клубының бапкері, Испания құрамасының бұрынғы ойыншысы Хаби Алонсомен кездесті, деп хабарлайды Sports24.kz.
Мадина Сатпаева әлеуметтік желілерінде Хаби Алонсомен бірге түскен фотосын бөлісті.
«Сізбен жеке танысу қуанышты болды», – деп жазды спортшының анасы жарияланымында.
Бұған дейін «Челси» клубының бас бапкері Хаби Алонсо Дастан Сатпаевқа «Вестерн Сидней Уондерерс» командасымен өткен жолдастық матчта ойынға қатысуға мүмкіндік берген еді. Сол кездесуде қазақстандық шабуылшы гол соға алған болатын.
Хаби Алонсо Сатпаев туралы не ойлайды?
Хаби Алонсо қазақстандық шабуылшының ойыны жайлы пікір білдіріп, өткен жылы Мадридтің «Реалы» бас бапкері ретінде Чемпиондар Лигасының жалпы кезеңдік матчына Алматыға келгенде Сатпаевқа назар аударғанын атап өтті.
Сатпаевтың арқасында «Бернлидің» әлеуметтік желісінде жарылыс болды
Айта кетейік, «Челси» клубына тиесілі қазақстандық шабуылшы бір маусымға «Бернлиге» жалға берілді. Бұл оқиға ағылшын клубына қазақстандық жанкүйерлердің назарын айтарлықтай арттырды. Мысалы, ресми «Бернли» аккаунтындағы жазылушылар саны бір күнде 83 мыңға өсіп, 850 мыңнан 933 мыңға жетті.
Сондай-ақ, Қазақстан ұлттық құрамасының бұрынғы бас бапкері Талғат Байсуфинов Сатпаев үшін Англияның екінші дивизионында ойнау дамуына зор серпін беретін кезең болатынын айтты.
