«Рубиннің» бұрынғы бас директоры «Елімайда» жұмысқа орналасты
Қазандық «Рубиннің» бұрынғы бас директоры Андрей Громов семейлік «Елімайдың» құрылымына қосылды. Қолда бар ақпаратқа сәйкес, ресейлік функционер Федор Симинидидің орнын басып, Қазақстан клубының спорттық бағытына жетекшілік етуі мүмкін, деп хабарлайды Sports24.kz.
Қолда бар ақпаратқа сәйкес, Андрей Громов «Елімайдың» құрылымында Сергей Жданкинге тікелей бағынып жұмыс істейді. Бұған дейін Жданкин Мәскеудің «Динамосында» еңбек еткен, оған ВТБ банкінен ауысқан болатын. Громов семейлік клубтың спорттық қызметіне қатысты мәселелерді өз мойнына алады деп болжануда. Алайда оның нақты лауазымы мен өкілеттік аясы әзірге ресми түрде нақтыланған жоқ.
«Елімай» басшылығы үшін бірінші кезектегі міндеттердің бірі клубтағы екі маңызды лауазымға — спорттық директор мен бас бапкер қызметіне тағайындау жасау болады. Бұған дейін семейліктер командасының бас бапкері лауазымына үміткерлердің бірі румыниялық маман Константин Гылкэ екені хабарланған болатын. Гылкэ жаттықтырушылық мансабында испаниялық «Эспаньол» мен румыниялық «Стяуамен» жұмыс істеп үлгерді. Алайда румыниялық маманның кандидатурасы бойынша түпкілікті шешім әлі қабылданған жоқ.
Осылайша, маусымаралық кезеңде «Елімай» клубтың басқару және жаттықтырушылық құрылымында елеулі өзгерістер жасауы мүмкін.
