«Реал» басшылығы Винисиустың «Барселонамен» матчтағы ауыстыруға берген реакциясына көңілі толмады
«Реал Мадрид» басшылығы Испания чемпионатының 10-турындағы «Барселонаға» қарсы жеңісті ойында (2:1) команда ойыншысы Винисиустың ауыстыруға берген реакциясына риза болмады. Бұл туралы Marca газеті хабарлайды.
Винисиус 72-минутта, есеп 2:1 болғанда, ауыстырылып, бұл шешімге эмоциялық түрде жауап беріп, бапкерге қолын бермеді.
DAZN мәліметінше, Винисиус команда бас бапкері Хаби Алонсоға клубтан кеткісі келетінін айтқан.
Marca-ның жазуынша, «Реал» басшылығы ойыншының ауыстыруға ренжігенін түсінеді, бірақ Винисиус мұндай жағдайда басқаша әрекет етуі керек деп есептейді. Клуб мұндай мінез-құлықтың қайталанбауы тиіс екеніне сенімді.
Соған қарамастан, «Реал Мадрид» Винисиус Жуниорды жазаламауды шешті. Клуб оның Хаби Алонсоға өз ойларын айтуы керек деп санайды.
Ал Алонсоның Винисиусқа қатысты реакциясына келсек, Фабрицио Романо оны былай деп келтіреді: «Ойыншылар керемет ойнады, ал Вини бұл жетістікке үлкен үлес қосты, ол өте жақсы ойнады».
«Біз оның реакциясын талқылаймыз, міндетті түрде талқылаймыз. Бұл жеке әңгімеде болады. Қазір мен жақсы жақтарға көңіл бөлгім келеді», – деді Алонсо Фабрицио Романоға.
Винисиус 25 жаста, ол 2018 жылдан бері «Реал» сапында ойнап келеді, командамен бірге үш мәрте Испания чемпионы, екі рет Чемпиондар лигасын жеңіп алды. Жалпы, бразилиялық «Реал» сапында 335 матч өткізіп, 111 гол соқты және 87 нәтижелі пас берді. Сондай-ақ жартылай қорғаушы Бразилия құрамасында 43 ойын өткізіп, сегіз гол соқты және жеті нәтижелі пас берді.
26 қазанда өткен Эль-Класикода «Реал Мадрид» «Барселонаны» 2:1 есебімен жеңіп шықты. Ойынның соңында Испания құрамасының екі ойыншысы – Дани Карвахаль мен Ламин Ямал арасында қақтығыс болды.
