«Барселона» – Мбаппе үшін үшінші «сүйікті» клубы: голдар саны бойынша тек екі командадан қалып отыр
Француз шабуылшысы каталондық клубқа қарсы ойындарда нәтижелі өнер көрсетуде
Футбол
Серик Амирбек
Редактор
ФОТО: Getty Images
Мадридтік «Реалдың» шабуылшысы Килиан Мбаппе Испания чемпионатының 10-турындағы «Барселонаға» қарсы матчта гол соқты. Бұл тартысты кездесуде «корольдік клуб» 2:1 есебімен жеңіске жетті.
26 жастағы шабуылшы үшін бұл гол мансабында «Барселона» қақпасына соғылған 12-ші доп болды. Opta Sports дерегінше, француз футболшысы екі клубқа ғана бұдан көп гол соққан.
Мбаппе өзінің кәсіби мансабында ең көп голды – 15-ін «Монпелье» қақпасына енгізген. Ал екінші орында 13 голмен «Лион» тұр.
«Барселона» – Килиан үшін голдар саны бойынша үздік үштікте (12 гол). Дәл осындай нәтижеге Мбаппе «Метц», «Марсель» және «Дижон» клубтарына қарсы да қол жеткізген.
