Шабуылға басымдық берді: Алонсо Эль Класико дебютанттары арасында ерекше рекорд орнатты
Маман басты қарсыласқа қарсы алғашқы ойынын сәтті өткізді
Футбол
Серик Амирбек
Редактор
ФОТО: Getty Images
Испания чемпионатының 10-турында "Барселонаға" қарсы өткен матч мадридтік "Реал" үшін сәтті аяқталды — команда 2:1 есебімен жеңіске жетті. Ал "ақтардың" бас бапкері Хаби Алонсо үшін бұл ойын тарихи сәтке айналды, деп хабарлайды Opta Sports.
Өткен кездесуде "бланкостар" каталондықтардың қақпасына 23 соққы бағыттады — бұл Эль Класико тарихында дебютант бапкерлер арасында соңғы 22 жылдағы ең жоғары көрсеткіш.
Бұған дейін бұл рекорд Франк Райкардқа тиесілі еді — оның 2003 жылы өткен алғашқы Эль Класикосында "Барселона" "Реалдың" қақпасына 21 соққы жасаған болатын.
Мадридтіктер мен каталондықтардың ойынынан кейін Ла Лиганың жаңартылған фавориттер рейтингі жарияланды.
