«Реал» «Барселонаны» Ла Лигадағы чемпиондықпен құттықтады
Футбол
Асылхан Тоқсанбек
Редактор
ФОТО: gettyimages.com
Мадридтік «Реал» 2024/2025 маусымында Испания чемпионатын жеңіп алған «Барселонаны» ресми түрде құттықтады.
«2024/2025 маусымындағы Ла Лигадағы жеңісімен «Барселонаны» құттықтаймыз», — делінген «Реалдың» X әлеуметтік желісіндегі жазбасында.
Чемпионаттың аяқталуына екі тур қалғанда, «Барселона» 85 ұпай жинап, басты қарсыласы — мадридтік «Реалдан» жеті ұпай алда келеді. Екі команда да 36 ойын өткізген, сондықтан Карло Анчелоттидің шәкірттері каталондық клубты қуып жете алмайды.
Өткен турда Ханс-Дитер Флик жаттықтыратын «Барселона» «Реалды» 4:3 есебімен жеңіп, чемпиондықты мерзімінен бұрын қамтамасыз етті.
