«Эспаньол» - «Барселона» - 0:2. Ямаль мен Лопес «блаугранаға» чемпиондық сыйлады. Голдар және матчқа бейнешолу
Футбол
Аружан Темірбек
Редактор
ФОТО: Getty images
Каталонияның «Барселона» клубы 2024/25 жылғы маусымда Ла Лиганың чемпиондығын мерзімінен бұрын жеңіп алды. 36-тур аясында «блауграна» сырт алаңда Эспаньолмен өткен дербиде 2:0 есебімен жеңіске жетті.
Ханс-Дитер Флик жаттықтыратын команда есепті екінші таймда ашты. 53-минутта 17 жастағы Ламин Ямаль шабуылды сәтті аяқтап, командасын алға шығарды. Ал қосымша уақытта Фермин Лопес екінші голды соғып, жеңісті бекіте түсті - 90+6-минут. Айта кетейік, «Эспаньол» кездесуді он ойыншымен аяқтады, 80-минутта Леандро Кабрера қызыл қағаз алды.
Бұл жеңістің арқасында «Барселона» 85 ұпай жинап, басты қарсыласы мадридтік «Реалға» қол жетпейтін болды. Каталондықтар тарихындағы 28-чемпиондық атақты иеленіп отыр.
Матчтың бейнешолуын назарларыңызға ұсынамыз.
