Рамазан Оразов жақын турда алаңға оралуға дайын
Қазақстан ұлттық құрамасы мен Семейдің «Елімай» клубының жартылай қорғаушысы Рамазан Оразов футбол алаңына қайта оралуға жақын. 28 жастағы футболшының иық жарақатынан кейінгі қалпына келуі күткеннен де жылдам жүріп, ол толыққанды жаттығуларға қайта қосылды, деп хабарлайды Sports24.kz.
AMAN VIBE-тың мәліметінше, Оразовты «Елімайдың» алдағы турдағы матчына қосу ықтималдығы бар. Оның алаңға шығу-шықпауы футболшының дайындық деңгейіне және бапкерлік штабтың шешіміне байланысты болады, дегенмен жартылай қорғаушының командалық жаттығуларға қатысуы – өте жақсы жаңалық.
Еске салсақ, Абай облысының команда капитаны 9 шілде күні Ереванда Конференциялар лигасының іріктеу кезеңіндегі алғашқы матчта жарақат алған еді. Ойын сәттерінің бірінде Оразов алаңға сәтсіз құлап, иығын жарақаттап алған. Сол оқиғадан кейін оған біраз уақыт қалпына келу мен оңалтудан өту қажет болды.
Сондай-ақ, Рамазан Оразовтың қалпына келу процесі күткеннен тез өтті. Енді жартылай қорғаушы командасымен тағы да бірге жаттығып, жақын арада ресми ойындарға қатысуға дайын.
Оразовтың оралуы тек «Елімай» үшін ғана емес, Қазақстан құрамасы үшін де маңызды оқиға болмақ.
Оразовтың бірден негізгі құрамға ене ме, жоқ па, әзірге белгісіз, бірақ оның алдағы турда өтетін матчқа өтінішке енгізілуі – «Елімай» жанкүйерлері үшін керемет жаңалық болары сөзсіз.
