«Ордабасы» мен «Астана» «Қайсардың» қорғаушысымен қызығуда
Жас футболшы жазғы трансферлік кезеңде командасын ауыстыруы мүмкін
ФОТО: ФК «Кайсар»
Sports24.kz сайтының мәліметінше, Қазақстан Премьер-лигасының алдыңғы қатарлы клубтары –шымкенттік «Ордабасы» мен елордалық «Астана» «Қайсардың» 18 жастағы қорғаушысы Темірлан Мырзағалиевке қызығушылық танытып отыр.
«Ақтөбе» түлегі биылғы маусымда «қасқырлар» сапында 11 ойын өткізіп, бір голмен көзге түсті. Қорғаныста сенімді ойын көрсетіп жүрген футболшыны лиганың жоғары мақсаттар қоятын клубтары назардан тыс қалдырмады.
Қазіргі таңда «Қайсар» Премьер-лиганың турнирлік кестесінде 12 турдан кейін 12 ұпаймен тоғызыншы орында келеді.
Айта кетейік, бұған дейін қызылордалықтар сапынан Айбар Жақсылықовтың кетуі мүмкін екені хабарланған болатын.
