Моуринью баспасөз конференциясында «жарылды». Бұл жолы не болды?
Жозе Моуринью БАҚ өкілінің алдағы «Вильярреалмен» матч кезінде «Реал» жанкүйерлері шабуылшы Килиан Мбаппеге наразылығын білдіруі мүмкін бе деген сұрағына эмоцияға беріліп, ымырасыз жауап берді, деп хабарлайды Sports24.kz.
Португалиялық бапкер тілшілерге шүйлігіп, баспасөзді арзан сенсацияның соңынан үнемі қуып жүреді деп айыптады:
«Егер жанкүйерлер шынымен ысқыра бастаса, бұл сіздер үшін орасан зор жеңіс болады. Тіпті “Манчестер Сити” ісі, бұрыннан келе жатқан заң мәселелері немесе Криштиану Роналду мен оның бапкері қатысқан туған елімдегі аса күрделі дағдарыс секілді ауқымды оқиғалардың өзі сіздердің мамандықтарыңыздың тәбетін қанағаттандыра алмады».
«Ерекше» маман БАҚ өкілдері матчтың футболдық мәнін әдейі тасада қалдырып, назарды алаң сыртындағы интригаларға бұрып отырғанын атап өтті:
«Реал Мадрид — бұл “Реал Мадрид”, сондықтан әрдайым бір нәрсе іздеу керек. Алғашқы сұрақтың шындыққа — біз аса күрделі тактикалық айқас алдында тұрғанымызға қатысты болады деп аңғалдықпен үміттендім. Бірақ оның орнына сіздер осындай тақырыптардан бастайсыздар», - деді бапкер ойын алдында.
Айта кетейік, Жозе Моуринью 2010-2013 жылдары «Реалды» сәтті басқарып, «ақтарды» 100 ұпай жинаған тарихи рекордпен Испания Ла Лигасының чемпионы атандырды. Сонымен қатар команда Испания кубогы мен Испания Суперкубогын жеңіп алды.
Бұған дейін «Реалдың» Негрейра ісі бойынша УЕФА-ға шағым түсіргені хабарланған болатын.
