«Министр болуы мүмкін еді»: «Қайраттың» бұрынғы футболшысының экс-сүйіктісі күтпеген мәлімдеме жасады
Белгілі футболшы Андрей Аршавиннің бұрынғы азаматтық некедегі жұбайы Юлия Барановская оның футбол алаңынан тыс жерде қандай биіктерді бағындыра алар еді деген пікірін бөлісті, деп хабарлайды Sports24.kz.
«Лотос Медиаға» берген сұхбатында тележүргізуші Аршавиннің мемлекеттік қызметте жоғары лауазымдарға үміткер болуына мүмкіндік беретін қасиеттері болғанын айтты. Оның пікірінше, Ресей құрамасының бұрынғы ойыншысы спорттан тыс салада да өзін көрсете алар еді.
«Мем емес, министр болуы мүмкін еді», — деді Барановская.
Тележүргізушінің бұл сөзі әлеуметтік желі қолданушыларының назарын аударды. Аршавин Ресей футболындағы ең танымал тұлғалардың бірі болып қала береді, ал оның сөздері мен әрекеттері жиі талқылауға түрткі болады.
Айта кетейік, Аршавиннің кәсіби мансабының соңғы кезеңі Қазақстанмен байланысты болды. 2016 жылы Лондонның «Арсеналы» мен Санкт-Петербургтің «Зенитінде» ойнаған футболшы Алматының «Қайратына» ауысып, онда 2018 жылдың соңына дейін өнер көрсетті.
Алматылық клуб сапында үш маусым өткізген ресейлік футболшы Қазақстан чемпионатында 84 матчқа қатысып, 23 гол соғып, 30 нәтижелі пас берді. «Қайратпен» бірге Аршавин Қазақстан кубогын екі рет, ал ел Суперкубогын бір рет жеңіп алды.
Жартылай қорғаушы кәсіби мансабын дәл Алматыда аяқтады.
