Лионель Месси «Алтын доп» бойынша шешім қабылдады
«Интер Майами» мен Аргентина құрамасының шабуылшысы Лионель Месси «Алтын доп» - 2026 марапаттау рәсіміне келмейді, деп хабарлайды Sports24.kz.
Бұл туралы The Touchline мәлімдеді. Олардың ақпаратына сүйенсек, Лионель Месси «Алтын доп» марапаттау рәсіміне қатыспайды.
39 жастағы Месси жүлдеге үміткер 30 футболшының қатарына енді және номинанттар арасындағы MLS-тің жалғыз қазіргі өкілі атанды. Алайда, шамасы, аргентиналық футболшы басты жеке марапатқа ие болмайды.
Месси жеңіп алған «Алтын доптар» саны бойынша рекордшы болып қала береді. Ол мансабында бұл жүлдені сегіз рет — 2009, 2010, 2011, 2012, 2015, 2019, 2021 және 2023 жылдары иеленді.
Салтанатты шара жергілікті уақыт бойынша 26 қазанда Лондондағы «Палладиум» театрында өтеді. Тарихта алғаш рет рәсім Ұлыбритания астанасында ұйымдастырылады. Биыл France Football журналы 1956 жылы тағайындаған беделді футбол сыйлығының құрылғанына 70 жыл толады.
Қазақстан уақытымен ресми бөлім 26 қазаннан 27 қазанға қараған түні сағат 01:00-де басталады.
«Алтын доп» - 2026: қандай марапаттар табысталады және басты фавориттер кімдер
