Кезекті тур ойындарынан кейінгі ҚПЛ турнирлік кестесі қандай күйде?
Қазақстан Премьер-лигасындағы кезекті футбол уик-энді аяқталды, деп хабарлайды Sports24.kz тілшісі.
Өткен демалыста ұлттық элита дивизионының 21-тур матчтары өтті. Бұл турда «Қайрат» пен «Тобыл» еурокубок ойындарына байланысты өз матчтарын өткізген жоқ.
«Ордабасы» мен «Қайраттың» жарысы
«Ордабасы» ҚПЛ-да жеке-дара көш бастап келеді, басты қарсыласынан төрт ұпайға алда. Алайда жоғарыда айтқанымыздай, «Қайраттың» қорында бір ойын бар. Сондықтан екі басты фаворит арасындағы мүмкін болатын айырмашылық бар болғаны бір ұпай болып отыр.
«Астана» үздік үштік қатарында
Жақсы қарқын алған «Астана» үздік үштікті түйіндеп тұр. «Оқжетпес» командасын жеңгеннен кейін (2:1) Григорий Бабаян шәкірттері 38 ұпай жинады. Ал төртінші орында тұрған «Оқжетпестің» қоржынында бес ұпайға аз әрі бір ойын артық өткізген.
«Ертіс» пен «Алтай» — «құйрықта»
Бірінші алтылыққа сондай-ақ «Ақтөбе» мен «Елімай» да енді (тиісінше 32 және 31 ұпай). ҚПЛ-дың түсіп қалу аймағында әлі де «Ертіс» пен «Алтай» тұр (екеуінде де 17 ұпай).
Айта кетейік, Қазақстан Премьер-лигасының 22-тур ойындары алдағы демалыста – 15 және 16 тамыз күндері өтеді. «Ордабасы» өз алаңында «Алтайды» қабылдаса, «Қайрат» та үйде «Ұлытаумен» кездеседі.
