Каррик қызметінен кетуі мүмкін бе? «Ман Юнайтед» басшылығы шұғыл кеңес шақырды
«Манчестер Юнайтедте» бапкерлік дағдарыс ушығып келеді, деп хабарлайды Sports24.kz.
MatchDay Central мәліметінше, ағылшын клубының басшылығы Майкл Карриктің болашағын талқылау үшін шұғыл кеңес өткізуді жоспарлап отыр.
Клуб басшыларының кездесуі ертең, 19 қазанда өтеді деп күтілуде. Жиында бапкермен ынтымақтастықты жалғастыру дұрыс шешім бола ма деген мәселе басты назарда болады.
Команданың нәтижелері алаңдаушылық туғызды. Англия Премьер-лигасының жетінші турында «Манчестер Юнайтед» «Лидспен» 1:1 есебімен тең ойнап, тағы да ұпай жоғалтты.
Осылайша клубтың барлық турнирлердегі жеңіссіз сериясы алты матчқа жетті, ал «қызыл шайтандар» Премьер-лигада 30 тамыздан бері жеңіске жете алмай келеді. Манчестерлік клубтың еншісінде жеті ұпай бар, команда АПЛ турнирлік кестесінде 13-орында тұр.
Сәтсіз нәтижелер аясында Каррикке түсіп жатқан қысым күшейіп келеді. Жанкүйерлер командадан тұрақтылық талап етуде, алайда «Манчестер Юнайтед» әзірге жағдайды өзгерте алмай отыр. Үш ұпайды еншілеудің тағы бір мүмкіндігін жіберіп алу бапкердің команданы дағдарыстан алып шығу қабілетіне қатысты күмәнді одан әрі күшейтті.
