Уразбахтин ҚПЛ-да «Каспийді» ойсырата жеңуге қатысты пікір білдірді
«Қайрат» бас бапкері Рафаэль Уразбахтин ҚПЛ-дың 23-туры аясындағы кейінге шегерілген матчта «Ертісті» 5:0 есебімен ойсырата жеңгеніне қатысты пікір білдірді, деп хабарлайды Sports24.kz.
Алматылық команда қарсыласын талқандады — 5:0.
«Ойынның осылай өтетінін түсіндік. Қарсыласымыздың қорғанысқа жатып, қарсы шабуылдар мен стандартты жағдайлар кезінде өз бақытын іздейтінін де шамаладық. Дәл солай болды. Үш ұпайды еншілеп, жеңіске қуаныштымыз. Енді демалып, бар назарымызды Конференциялар лигасындағы матчқа аударамыз. Ойынға келетін болсақ, жалпы, бірінші таймда біз жоспарлаған көптеген нәрсе жүзеге асты.
Әрине, бәрі мінсіз болған жоқ: оң қанатымыздың белсендірек жұмыс істегенін қалар едік — ол жақта сәл қате әрекет еттік. Ал жалпы, қалағанымыздың бәрін іске асырып, тапсырмамызды орындадық. Бір топ ойыншыға жақсы жүктеме берілді, кейбірін алмастырдық — оларды шаршатпауға тырыстық әрі бізде жиі алаңға шықпай жүрген жігіттерге ойнауға мүмкіндік бердік. Жас ойыншылар өздерін жақсы қырынан көрсетті. Олардың ілгерілеуіне өте қуаныштымыз және алдағы ойындарда да осылай жалғастырады деп үміттенеміз», — деп Уразбахтиннің сөзін Sports.kz келтіреді.
28 матчтан кейін «Қайраттың» еншісінде 63 ұпай бар, ал «Ордабасы» 67 ұпай жинаған. Осылайша, чемпиондыққа таласып жатқан екі команда арасындағы алшақтық төрт ұпайды құрайды.
Егер Андрей Мартиннің командасы 24 қазанда «Жеңісті» жеңсе, «Қайраттың» «Ақтөбеге» қарсы матчындағы нәтижеге қарамастан, мерзімінен бұрын чемпион атанады.
