Қазақстандық төрешілер Еуро-2027 іріктеу турнирлеріне тағайындалды
Қазақстан футбол федерациясының (ҚФФ) өкілдері УЕФА-дан 17 және 19 жасқа дейінгі жасөспірімдер арасындағы Еуропа чемпионаттарының іріктеу турнирлеріне тағайындау алды. Жарыстар 2026 жылғы 11-17 қараша аралығында өтеді, деп хабарлайды Sports24.kz.
Қазақстандық төреші Булат Сариев пен оның көмекшісі Алексей Долгих Сан-Маринода өтетін U-19 құрамалары арасындағы Еуро-2027 іріктеу турнирінде жұмыс істейді.
Жарысқа Босния және Герцеговина, Дания, Грузия және Сан-Марино құрамалары қатысады. Сариев екі матчтың бас төрешісі болып тағайындалды, ал тағы бір кездесуде резервтегі төреші қызметін атқарады. Долгих үш ойынның бәрінде төрешінің көмекшісі болады.
ҚФФ-ның төрешілік департаментінің директоры Нуну Каштру да тағайындау алды. Ол Данияда өтетін U-17 құрамалары арасындағы Еуро-2027 іріктеу турнирінде УЕФА төрешілерінің инспекторы болып жұмыс істейді.
Келесі кезеңге жолдама үшін Дания, Ирландия, Уэльс және Эстония құрамалары таласады. Каштру үш матчқа инспектор болып тағайындалды. Оның міндетіне төрешілер бригадаларының жұмысын бағалау және техникалық кері байланыс беру кіреді.
Осылайша, қазақстандық мамандар Еуропадағы екі іріктеу турнирінде қатарынан өкілдік етеді.
