«Қызылжардың» лидері «Тұранға» қарсы ойынға қатыспайды
Черногориялық легионер жарақатына байланысты Тұранға қарсы ойыннан тыс қалды
Футбол
Арсен Алиев
Редактор
ФОТО: Қызылжар ФК
Sports24.kz белгілі болғандай «Қызылжар» клубының жартылай қорғаушысы Дарко Зорич алдағы Тұранға қарсы ойында алаңға шықпайды.
Черногориялық футболшы «Астанаға» қарсы өткен матчта жарақат алып, 57-минутта алаңнан кеткен еді.
Зорич маусым басында петропавлдық клубтың қатарына қосылып, 11 кездесуге қатысып, 3 голмен көзге түсті. Ол «Қызылжарға» дейін Черногорияның «Морнар Бар» клубында өнер көрсеткен.
«Қызылжар» өз кезегінде Премьер-лиганың 16-шы турында сырт алаңда «Тұранмен» кездеседі. Қазіргі таңда Солтүстік Қазақстан өкілдері турнир кестесінде 16 ұпаймен тоғызыншы орында тұр.
Сондай-ақ теріскейлік клуб маусым басталғалы сапында болған екі шетелдік ойыншымен қош айтыспақ.
