«Есеңгіретеді» – УЕФА басшысы Балогунмен болған дауға қатысты пікір білдірді
УЕФА президенті Александер Чеферин АҚШ құрамасының шабуылшысы Фоларин Балогунға әлем чемпионаты-2026 кезінде берілген бір матчтық дисквалификацияны тоқтату жөніндегі ФИФА шешімін сынға алды, деп хабарлайды Sports24.kz.
«Бұл есеңгіретерлік жағдай болды. Бізде ережелер бар, ал егер өз ережелеріңді сақтамасаң, онда ойынның мәні жойылады. Бұл шын мәнінде есеңгіретеді және сеніңіз, мұны дерлік бәрі сезінді. Тек бәрі оны ашық айта алмады», – деді Чеферин The Guardian-ға берген сұхбатында.
Балогунның қызыл карточкасына қатысты дау
2026 жылғы әлем чемпионатында АҚШ – Бельгия матчы алдында ФИФА-ның тәртіптік комитеті АҚШ шабуылшысы Фоларин Балогунға көрсетілген қызыл карточканы жойды.
Осыдан кейін бірден бельгиялық БАҚ ашуға булықты және бұл шешімді жемқорлық пен таныстық деп атады.
Президент Трамп бұл эпизодта тәртіп бұзушылық көрмегенін айтып, ФИФА президенті Джанни Инфантиноға жағдайды қайта қарауды жеке өзі өтінгенін айтты.
