Insatgramның бұған қандай қатысы бар? Бруну Фернандештің үйін тонауға қатысты күтпеген жайттар ашылды
«Манчестер Юнайтед» капитаны Бруну Фернандештің Чеширдегі үйі футболшы Италияда «Комоға» қарсы Чемпиондар лигасындағы матчта жүрген кезде тоналды. Ойын ағылшын командасының 4:1 есебімен жеңілуімен аяқталды, деп хабарлайды Sports24.kz.
The Sun басылымының мәліметінше, бетперде таққан үш қарақшы құны 4 миллион фунт стерлинг болатын зәулім үйге кіріп, дизайнерлік әшекейлерді қоса алғанда, бағалы заттарды ұрлаған. Бақытымызға орай, португалиялық жұлдыздың жары Ана Пиньо мен олардың екі кішкентай баласы үйде болмаған. Алайда футболшының отбасы бұл оқиғадан қатты күйзелгені хабарланды.
Тергеушілер қылмыскерлер үйді алдын ала Instagram-дағы жарияланымдарды қарап зерттеген болуы мүмкін деген нұсқаны қарастырып жатыр. Португалиялық футболшы жалдаған интерьер дизайнері бұған дейін алты жатын бөлмесі бар үйдің суреттерін, сондай-ақ футболшымен бірге зәулім үйдің жанында түскен селфилерін жариялаған. «Манчестер Юнайтед» жанкүйерлері арасында кең тараған бұл жазба кейін өшірілді.
Полицияның мәліметінше, бақта күдікті адамдарды байқаған көрші дабыл қаққан. Полиция қызметкерлері шамамен он минуттан кейін келгенде, күдіктілер оқиға орнынан қашып үлгерген. Қазір детективтер маңайдағы бейнебақылау камераларының жазбаларын зерттеп жатыр.
