«Дәуіт пен Ғолият»: танымал басылым Португалия – Өзбекстан матчына баға берді
Әлемге әйгілі Bleacher Reports басылымының журналистері әлем чемпионаты аясындағы Португалияға қарсы матч қарсаңында Өзбекстан құрамасына қатысты өз ойларымен бөлісті, деп хабарлайды Sports24.kz.
Басылым сарапшылары алдағы кездесуді «Дәуіт пен Ғолияттың шайқасы» деп атап, сенсацияға орын қалдырып отыр:
— Бүгін Өзбекстанды Португалияға қарсы орасан зор матч күтіп тұр. Мұны біз «Дәуіт пен Ғолият» деп атай аламыз. Бұл құраманың турнирге жолдама алуының өзі – үлкен жетістік.
— Тыңдаңыздар, Өзбекстан туралы сөз болғанда бәрі бірден Хусановты еске алады, солай ма? Әрине, ол – бұл команданың ең танымал ойыншысы, «Манчестер Ситиде» ойнайды, тағысын тағы. Бұл олардың алғашқы әлем чемпионаты, олар – Орталық Азиядағы халқы ең көп ел, сондықтан олардың дебюті күтілген еді. Хусанов Криштиану Роналдуды тоқтата ала ма? Егер бұл орын алса, бізде айтатын әңгіме көп болады, солай емес пе?
Мен бірде Хусанов жайлы жарияланым жазғаным есімде. Сол кезде өзбек жанкүйерлері пікірлер бөлімін толтырып жіберген еді. Сондықтан ең жанкүйер халық туралы айтсақ – мейлі интернетте болсын, не турнирдің өзінде болсын, бұл сөзсіз Өзбекстанның фанаттары.
Еске салайық, бұған дейін Георгий Черданцев Роналдудың әлем чемпионатындағы ойынына қатысты сын айтқан болатын.
