Португалия - Өзбекстан. Онлайн көру
23 маусымда 2026 жылғы әлем чемпионатының топтық кезеңіндегі екінші тур аясында Португалия мен Өзбекстан құрамалары өзара кездеседі.
Қос команда K тобында өнер көрсетіп жатыр және алғашқы турдан кейін әртүрлі нәтиже көрсетті.
Роберто Мартинес жаттықтыратын Португалия құрамасы турнирді күтпеген жерден ұпай жоғалтумен бастады. Португалиялықтар Конгомен 1:1 есебімен тең түсіп, жанкүйерлер мен сарапшылардың сынына ұшырады.
- Матчтың барлық жарқын сәттері live режимінде Telegram-дағы Sports24.kz! арнасында қолжетімді
Ал әлем чемпионатында алғаш рет өнер көрсетіп жатқан Өзбекстан құрамасы алғашқы ойында Колумбиядан 1:3 есебімен жеңілді. Соған қарамастан өзбек футболшылары жақсы ойын көрсетіп, мундиальдар тарихындағы алғашқы голын соқты.
Португалия - Өзбекстан матчы Қазақстан уақытымен сағат 22:00-де басталады. Кездесудің тікелей трансляциясын Qazsport телеарнасы көрсетеді.
