Дембеле мен Дуэден басқа кімдер? «Барселона» – «ПСЖ» матчында қай жұлдыздар алаңға шығады
2 қазанға қараған түні Чемпиондар лигасының жалпы кезеңінің екінші турындағы басты матчта «Барселона» өз алаңында «ПСЖ»-ны қабылдайды. Бұл кездесудің бастапқы құрамдары белгілі болды.
Ойын Астана уақытымен 00:00-де басталады.
«Барселона»: Щенсный - Кунде, Гарсия, Кубарси, Мартен - Де Йонг, Педри, Рэшфорд, Ольмо, Ямал - Торрес.
«ПСЖ»: Шевалье, Хакими, Забарный, Пачо, Мендеш - Руис, Витинья, Невеш - Мбайе, Маюлу, Барколя.
Қос команда соңғы рет 2024 жылдың сәуірінде Чемпиондар лигасының ширек финалында кездескен болатын. Алғашқы матчта «блауграна» 3:2 есебімен жеңіске жетсе, қарымта кездесуде париждіктер 4:1 есебімен реванш алған еді.
Ағымдағы маусымдағы Чемпиондар лигасында екі команда да жеңіспен бастады. Бірінші турда «Барселона» сырт алаңда «Ньюкаслға» қарсы ойнап, қос голдың авторы Маркус Рэшфорд болып, 2:1 есебімен жеңіске жетті.
«ПСЖ» алғашқы турда өз алаңында «Аталантаны» 4:0 есебімен ойсырата жеңді.
