Дастан Сәтпаев Ұлыбританиядағы Қазақстан елшілігіне барды
Кездесу жыл сайын 17 қарашада атап өтілетін Халықаралық студенттер күніне орай ұйымдастырылды.
Футбол
Фото: Бернли
Қазақстан ұлттық футбол құрамасының шабуылшысы Дастан Сәтпаев Ұлыбританиядағы Қазақстан елшілігі ұйымдастырған іс-шараға қатысты, деп хабарлайды Sports24.kz.
Іс-шараға Ұлыбританияда жүрген қазақстандық жастардың өкілдері қатысты.
Кездесуден түсірілген кадрлар Қазақстан елшілігінің Instagram желісіндегі ресми парақшасында жарияланды. Жазба Дастан Сәтпаевтың аккаунтымен бірлесіп салынды.
Жарияланған видеода футболшы іс-шараға қатысушылардың арасында жүр. Елшілік Халықаралық студенттер күніне арналған қабылдаудан кадрлармен бөлісті.
Еске салайық, Сәтпаев — Қазақстандағы ең үміт күттіретін жас футболшылардың бірі. Қазір ол ағылшынның «Бернли» клубында жалға алу құқығымен өнер көрсетіп жүр.