Дани Ольмо жарақатына байланысты 3 аптаға қатардан шықты

Футбол 28 нау 2025 09:50

Наурызбай Қанатұлы

«Барселона» ойыншысы «Осасунаға» қарсы матчта (3:0) жарақат алған еді. Ойынның 25-ші минутында Ольмо ыңғайсыздықты сезініп, оң аяғының бұлшық етін жарақаттап алғаны белгілі болды. Үш минуттан кейін ол орнын Фермин Лопеске ауыстырды.

Клубтың хабарлауынша, Ольмо шамамен үш апта ойнамайды екен.

Бұл Данидің «блаугранадағы» төртінші жарақаты болды. Жалпы 66 күні емделуге кеткен.

Испандық ойыншы «Жирона», «Атлетико», «Бетис», «Боруссия Д» және «Леганеске» қарсы матчтарға қатыса алмайды.