«Челсидің» бұрынғы футболшысы Қытайда жыныс мүшесін ампутациялай жаздағанын айтты
39 жастағы футболшының айтуынша, жарақаттарының бірінен кейін жергілікті дәрігерлер оған жарық диагнозын қойып, ота жасау қажеттігін айтқан, деп хабарлайды Sports24.kz.
Алайда ұсынылған емдеу тәсілі нигериялық футболшыны қатты шошытқан.
«Қытайда ойнап жүргенімде жарақат алдым. Дәрігерлер жарығым бар екенін, оның ұма мен жыныс мүшесіне қарай таралғанын айтты. Олар жыныс мүшемді ампутациялауға тура келетінін мәлімдеді. Әйелім Лондонға қайтуға кеңес берді. Тексеруден кейін бұл жай ғана бұлшықетімнің созылуы екені анықталды», - деді Микел.
Осылайша, Ұлыбританияда қайта тексерілу футболшыға өзінің айтуынша, қытайлық мамандар ұсынған операциядан аман қалуға мүмкіндік берді.
Еске салайық, Микел 2017-2018 жылдары Қытайдың «Тяньцзинь Тэда» клубында өнер көрсетті. Нигериялық жартылай қорғаушы «Челсидегі» ойындарымен кеңінен танылды. Лондондық клуб сапында ол Чемпиондар лигасын, Англия Премьер-лигасының екі чемпиондық титулын және басқа да бірқатар жүлдені жеңіп алды.
Нигерия құрамасы сапында жартылай қорғаушы 2013 жылғы Африка ұлттары кубогының жеңімпазы атанып, 2016 жылғы Олимпиада ойындарының қола жүлдесін иеленді.