Бейне: «Астана» ЛК-дағы қарсыласының иесі киім ауыстыру бөлмесінде ақша шашты
«Астананың» еурокубоктағы маусымы Конференциялар лигасының бірінші іріктеу кезеңінде албандық «Динамо Сити» клубынан ұтылып, аяқталды. Тирана командасы негізгі кезеңге бір қадам қалғанда тоқтады, ал клуб иесі Ардиан Бардхи бұл жетістікке аса қуанды, деп хабарлайды Sports24.kz.
Интернетте Бардхидің командасының соңғы матчтарының бірінен кейін «Динамо Ситидің» киім ауыстыру бөлмесіне кіріп, ішінен ақша толы пакетті еденге лақтырған сәті түсірілген видео вирусқа айналды. Әрине, футболшылар бұл пакеттің қасына жүгіріп, ақшаны жинауға тырысты.
Жанкүйерлердің Х әлеуметтік желісіндегі реакциялары екіұшты болды. Біреулер футболшыларды осылай ынталандырғанын оң қабылдаса, енді біреулер Бардхиді бұл ақшаның таза еместігі үшін сынға алды.
Естеріңізге сала кетейік, Конференциялар лигасының плей-офф іріктеу кезеңіне дейін «Динамо Сити» «Астананы», словениялық «Алюминийді» және латвиялық «Ауданы» жеңді. Енді негізгі кезеңге өту үшін олар кипрлік «Пафоспен» кездеседі.
