«Барселона» тарихындағы алғашқы қазақстандық дебюттік матчынан фото жариялады
Қазақстан жасөспірімдер құрамасының вингері Карим Мендиканов «Барселона» клубының 16 жасқа дейінгі командасында алғашқы матчына шықты, деп хабарлайды Sports24.kz.
15 жастағы Мендиканов биылғы жазда «Ла Масияның» қатарына қосылып, команда сапындағы алғашқы кездесуін академия командаларының біріне қарсы бақылау матчында өткізді.
Ойын жабық форматта өткендіктен, клубтың ресми ресурстары матч нәтижесі мен Мендикановтың алаңдағы уақыты туралы ақпарат таратпады. Дегенмен, вингердің өзі Instagram парақшасында ойыннан фотоларымен бөлісті.
- Сондай-ақ оқыңыз: Гризманн Альвареске «Барселонаға» ауыспауға кеңес берген
16 жасқа дейінгі команда Испания жасөспірімдер чемпионатына дайындықты енді ғана бастады. Турнирдегі алғашқы ойыны 19 қыркүйекте «Барселона» жаттығу базасында өтеді.
Айта кетейік, Мендиканов «Барселонамен» үш жылға келісімшартқа қол қойды. Каталондық клуб тарихында алғашқы қазақстандық футболшы атанар алдында ол «Серданьола» және «Сан-Кугат» командаларында өнер көрсетіп, испандық алпауыттың скауттарының назарына іліккен болатын.
