Қазақстанда Франция – Сенегал әлем чемпионаты матчы бойынша батыл болжам жасалды
Танымал қазақстандық футбол функционері және маман Булат Есмагамбетов Sports24.kz сайтына эксклюзивті сұхбатында I тобының бірінші турындағы Франция мен Сенегал құрамалары арасындағы алдағы матчқа өз болжамын білдірді.
Ойын 17 маусымда Астана уақытымен 00:00-де АҚШ-тың Нью-Джерси штаты, Ист-Рутерфорд қаласындағы «Метлайф» стадионында өтеді.
«Ойын өте тартысты болады деп ойлаймын. Франция құрамасы ойыншылардың деңгейіне қарай бұл матчтың фавориті екені сөзсіз. Бірақ, соңғы жылдары Сенегал айтарлықтай өзгерді. Бұрын тактикалық тұрғыда әлсіздік байқалса, қазір көптеген сенегалдық футболшылар Еуропада, жақсы клубтарда ойнап жүр және шеберлігі жағынан Франциядан қалыспайды. Егер Сенегал жеңілмей шықса – бұл олардың жетістігі болмақ. Дегенмен, Франция жеңіске жетуі тиіс», – деді Булат Есмагамбетов.
Франция – әлем чемпиондығына басты үміткерлердің бірі
Франция құрамасы әлем чемпионатын бар болғаны екі рет ұтқан – 1998 және 2018 жылдары. Соңғы 10 жылда Еуропа чемпионатында да екі рет жүлдеге ілікті: 2016 жылы күміс, 2024 жылы қола медаль иеленді.
24 жылдан соң командалар қайта жолығады
Сенегал құрамасы әлемдік доданың басты турниріне қатарынан үшінші рет қатыспақ. Ең қызығы, 2002 жылғы әлем чемпионатында дәл осы Сенегал Францияға ауыр жеңіліс сыйлаған болатын. Сол кезде әлем чемпионы атағына ие болған француздар мундиаль дебютанттарына 0:1 есебімен жол берген еді.