«Ақтөбе» – «Қайрат»: Орталық стадиондағы аншлаг - билеттер 45 минутта сатылып кетті

Футбол 28 мам 2025 06:51

Арсен Алиев

Редактор

«Ақтөбе» мен «Қайрат» арасындағы аса күтілетін матчтың билеттері небәрі 45 минуттың ішінде сатылып кетті, деп хабарлады клубтың баспасөз қызметі.

Қос команданың кездесуі 30 мамыр күні сағат 20:00-де «Орталық» стадионда өтеді. Бұл ойын ел біріншілігінің 12-турындағы басты матчтардың бірі болмақ.

11 тур қорытындысы бойынша «Ақтөбе» 25 ұпаймен турнирлік кестеде көш бастап тұр. Ал былтырғы чемпиондар – «Қайрат» командасы 23 ұпаймен үшінші орында орналасқан.

Алдыңғы турда «Ақтөбе» сырт алаңда «Жетісу» командасынан 1:2 есебімен жеңіліп қалды. Ал алматылықтар өз алаңында «Оқжетпестен» 1:2 есебімен ұтылды.