«Астана» легионері клубтан кетті, енді мансабын Еуропада жалғастырады

Африкалық тамыры бар Беларусь жартылай қорғаушысы Макс Эбонг «Астана» ФК-нан кетіп, Софияның ЦСКА клубына ауысты.

26 жастағы футболшы болгарлық клубпен үш жылдық келісімшартқа қол қойды.

ASnews.kz мәліметінше, «Астана» ФК футболшысын 500 мың долларға (257 миллион теңгеден аса) сатты.

Эбонгтың Болгарияда мансабын жалғастыруы мүмкін екені осы аптада белгілі болды.

Макс Эбонг «Астана» сапында 2020 жылдан бері өнер көрсетті. Ол ҚПЛ аясында 125 матч өткізіп, 10 гол соғып және 21 нәтижелі пас берген. Өткен маусымда Эбонг елордалық команда құрамында барлық турнирлерде 39 ойынға қатысып, үш гол және төрт нәтижелі паспен көзге түсті.

Қайсар Дәулетбай

Редактор

0 0 0 0 0 0