Шавкат Рахмоновтың Ислам Махачевпен жекпе-жек өткізуіне қойылған шарт белгілі болды
Америкалық танымал UFC файтері Бо Никал қазақстандық Шавкат Рахмонов пен UFC-дің жартылай орта салмақтағы қазіргі чемпионы Ислам Махачев арасындағы ықтимал жекпе-жектің перспективасына баға берді, деп хабарлайды Sports24.kz Championat.com сайтына сілтеме жасап.
Никалдың пікірінше, Рахмонов ұзақ уақыт өнер көрсетпегендіктен, Махачевпен кездесуге дейін тағы бірнеше жекпе-жек өткізуі қажет.
«Шавкатты атай алмаймын, өйткені ол өте ұзақ уақыт бойы жекпе-жек өткізген жоқ. Менің ойымша, ұзақ үзілістен кейін оған Исламмен кездесуден бұрын тағы бірнеше жекпе-жекте жеңіске жету керек», — деді америкалық файтер.
Сондай-ақ Никал Махачевтің ықтимал қарсыластары — Рахмонов, Майкл Моралес және Карлос Пратесті салыстырды. Оның айтуынша, Пратестің соққы техникасы өте жақсы, ал Моралес соққы техникасымен қатар джиу-джитсуды да жақсы меңгерген және дене бітімі ірі.
«Мүмкін, Моралес ең қиын қарсылас болар еді, бірақ мұны нақты айта алмаймын», — деп қосты Никал.
Рахмонов тізесінен алған ауыр жарақатынан кейін әлі де қалпына келу кезеңінде. Ұзақ уақыт бойы жекпе-жек өткізбегеніне байланысты қазақстандық файтер UFC-дің жартылай орта салмақтағы рейтингінен шығарылды. Бұған дейін ол дивизионның көшбасшы спортшыларының қатарында болған.
