Ғасырдың тойы: Криштиану Роналду мен Джорджина Родригес заңды түрде үйленді
Аңызға айналған португалиялық футболшы Криштиану Роналду мен оның сүйіктісі Джорджина Родригес ресми түрде некелесті, деп хабарлайды Sports24.kz.
Роналду қуанышымен бөлісті
Жұлдызды жұптың заңды түрде қарым-қатынасын рәсімдегенін Криштиануның өзі хабарлап, сақиналарының суретін жариялады.
Бұған дейін жұптың үйлену тойын Мадейра аралында — португалиялық футболшының туған жерінде өткізуді жоспарлағаны айтылған еді. БАҚ-тың мәліметінше, жас жұбайлар үйлену тойында сыйлықтар мен қаржылай бонустардың бір бөлігін балалар ауруханаларына аудармақ.
Дәл бір жыл бұрын — 2025 жылдың 11 тамызында — Джорджина құны зергерлердің бағалауынша 2-4,5 миллион еуро тұратын алып сопақ бриллиант сақинасын жұртқа көрсетіп, құда түсіп жатқанын жариялаған болатын.
«Иә, мен келісемін. Осы өмірімде де, барлық өмірлерімде де», — деп жазды ол сол кезде. Ал Роналду 2026 жылғы әлем чемпионаты басталмай тұрып, турнирден кейін үйленетінін айтып, уәдесінде тұрды.
Джорджина Родригес кім?
Атақты футболшымен таныспай тұрып, болашақ жары Мадридтегі әйгілі Gucci брендінің бутигінде сатушы-консультант болып жұмыс істеген. Жас кезінде Джорджина өзін түрлі қырынан сынап көрді: биші, даяшы, бала күтуші және Ұлыбританияда тұрмыстық көмекші болып істеген, ол жаққа ағылшын тілін терең үйренуге барған болатын.
2016 жылы Джорджина Криштианумен танысты. Қазір жұп екі ортақ баланы тәрбиелеп отыр, сондай-ақ португалиялық жұлдыздың бұрынғы қатынастарынан туған үш баласы бар. Қазіргі уақытта Роналдудың жары фотомодель болып жұмыс істейді, әлеуметтік желіде танымал блог жүргізеді және кейде деректі шоуларға түседі.
