Ақшаны санайық: ӘЧ-ның ең көп жалақы алатын 5 футболшысы
Дәл бір аптадан кейін футболдан әлем чемпионаты басталады — бұл турнирде тек медаль мен даңқ қана емес, сонымен қатар қомақты қаржы да бар. Sports24.kz өткен маусымда ең көп табысқа ие болған футболшыларды назарларыңызға ұсынады.
1. Криштиану Роналду — 295 миллион доллар (230 миллионы алаңда, 65 миллионы алаңнан тыс)
Саудиялық «Аль-Наср» сапындағы ойыны үшін португал жұлдызы қомақты қаржы алады, бірақ Роналду өзінің бизнес-империясын белсенді түрде кеңейтуді жалғастыруда. Ақпан айынан бастап ол бразилиялық LiveModeTV стриминг сервисінің, Испанияның екінші дивизионындағы «Альмерия» клубының және танымал тағамдық қоспалар өндірушісі Herbalife-тың еншілес компаниясының үлесін сатып алды.
2. Лионель Месси — 140 миллион доллар (70 миллионы алаңда, 70 миллионы алаңнан тыс)
Месси кәсіби мансабы аяқталған соң «Интер Майами» клубының үлесі уәде етілгеніне қарамастан, жеке футбол активтерін игере бастады. Мамыр айында ол Барселонаға жақын орналасқан Испанияның бесінші дивизионындағы «Корнелья» клубын иеленді. Бұдан бөлек, оның отбасы Аргентинаның төменгі дивизиондарындағы «Леонес де Росарио» клубын басқарады.
3. Килиан Мбаппе — 100 миллион доллар (70 миллионы алаңда, 30 миллионы алаңнан тыс)
Алаңнан тыс Мбаппе әлемдік спорттағы ең танымал тұлғалардың бірі болып қала береді. Оның коммерциялық серіктестері арасында Oakley, Hublot және Fairmont Hotels бар, бұл оған табысын тек «Реалдан» ғана алуға тәуелді болмауға мүмкіндік береді.
4. Эрлинг Холанд — 80 миллион доллар (60 миллионы алаңда, 20 миллионы алаңнан тыс)
Холанд шахмат индустриясына белсенді түрде инвестиция салуда. Ол Chess Mates компаниясын құрды, ол Total Chess World Championship Tour турнирлер сериясын басқаратын компанияда үлеске ие. Сонымен қатар, норвегиялық шабуылшы фермерлікпен айналысқанды жақсы көреді, бірақ бұл оған табыс әкелмейді.
5. Винисиус Жуниор — 60 миллион доллар (40 миллионы алаңда, 20 миллионы алаңнан тыс)
Винисиус Жуниор секілді танымал футболшы әрине, демеушілерсіз қалмайды. Олардың арасында Nike, Pepsi, Unilever, Visa бар. Оның жалпы табысы Forbes тізіміндегі ең бай футболшылардың үздік ондығында қалуына мүмкіндік береді.
