Аргентина әлем чемпионаты финалынан кейін қатаң жазаланды: Месси әріптесі он матчқа шеттетілді
ФИФА тәртіптік комитеті әлем чемпионаты матчтарының, әсіресе Испанияға қарсы финалдың қорытындысы бойынша Аргентина федерациясы мен құрама ойыншыларына қатысты жазалау шараларын анықтады, деп хабарлайды Sports24.kz.
Турнир барысында Аргентинаның футбол федерациясына бірқатар айып тағылды: спорттық шараны спорттық емес мақсатта пайдалану (бұл жерде, бәлкім, Англиямен жартылай финалдан кейінгі Фолкленд баннері меңзеледі), команданың тиісті емес тәртібі, дискриминация және жанкүйерлер тарапынан нәсілшілдік қорлау.
Осы үшін Аргентинаға 321 мың АҚШ доллары көлемінде айыппұл салынды, оның жүз мыңы дискриминацияға қарсы күрес бағдарламасына жұмсалуы тиіс, сондай-ақ келесі екі үй кездесуін көрермендер саны 50% шектелген жағдайда өткізу міндеттелді.
Бұдан бөлек, Испаниямен өткен финалдағы (0:1) төбелестен кейін Аргентина құрамасының нақты өкілдеріне де елеулі шеттету жазалары берілді:
- Леандро Паредес — он матчқа дисквалификация және 90 000 доллар айыппұл;
- Науэль Молина — жеті матчқа дисквалификация және 90 000 доллар айыппұл;
- Тьяго Альмада — бір матчқа дисквалификация және 30 000 доллар айыппұл;
- Роберто Айяла (жаттықтырушылар штабының мүшесі) — үш матчқа дисквалификация және 30 000 доллар айыппұл;
- Пабло Мартин Паэс Гавира — бір матчқа дисквалификация және 30 000 доллар айыппұл.
Аргентина федерациясы ФИФА-ның апелляциялық комитетіне бұл шешімге шағымдануға құқылы.
