«Алтай» Астанадағы «Жеңіс» матчі алдында негізгі ойыншысын жоғалтты
«Алтай» Қазақстан Премьер-лигасының 23-турында «Жеңіске» қарсы алдағы матчта негізгі ойыншыларының біріне сенім арта алмайды, деп хабарлайды Sports24.kz.
Инсайдер Елдар Аманбаевтың ақпаратына сәйкес, 22 жастағы жартылай қорғаушы Сейф Попов сырқатына байланысты командасымен бірге Астанаға бармайды. Осылайша, вингер астаналық клубпен маңызды кездесуді өткізіп жібереді.
Попов биылғы маусымда «Алтайдың» басты ойыншыларының біріне айналды. «Қайрат» академиясының түлегі КПЛ-да 20 матч өткізіп, екі голдың авторы атанды. Жартылай қорғаушы қарсыластар қақпасы маңында үнемі қауіпті сәттер жасап, команданың шабуылында шешуші рөл атқарады.
Поповтың сәтті өнері чемпионаттың алдыңғы қатарлы клубтарының назарын аудартты. Жазғы трансферлік терезеде оны «Ордабасы» мен «Ақтөбе» қатарға қосуды қалаған, алайда «Алтай» футболшыны өз сапында ұстап қалды. Бұған дейін ойыншыға «Астана» тарапынан да қызығушылық болғаны айтылған.
«Жеңіспен» болар матч алдында Поповтың жоғалуы «Алтай» үшін ауыр соққы болды. 22 турдан кейін Өскемендік команда 19 ұпай жинап, турнир кестесінде 15-орында тұр. Ал, «Жеңіс» 21 матчтан кейін 26 ұпаймен тоғызыншы орында орналасқан.
